Qissa Abhi Hijaab Se Agay Nahi Barha
Main Aap,Or Woh Janab Se Agay Nahi Barha
Muddat Hoi Kitab e Muhabbat Shuro Kiye
Magar Main Pehle Baab Se Agay Nahi Barha
Lambi Musafaten Hain Magar Is Sawaar Ka
Paon Abhi Rakaab Se Agay Nahi Barha
Tool e Kalam Ke Liye Maine Kiye Sawaal
Woh Mukhtasar Jawab Ke Agay Nahi Barha
Rukhsar Ka Pata Nahi Ankhen To Bohot Khob Hain
Dedaar Abhi Naqaab Se Agay Nahi Barha..
No comments:
Post a Comment